𝗞𝗜𝗡𝗔𝗞𝗔𝗧𝗜𝗚𝗔𝗡 𝗻𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗥𝗲𝗽. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝗮𝗻𝗴 𝗻𝗮𝗴𝗶𝗻𝗴 𝗽𝗮𝗵𝗮𝘆𝗮𝗴 𝗻𝗴 𝗸𝗮𝗽𝘄𝗮 𝗻𝗶𝘁𝗼 𝗸𝗼𝗻𝗴𝗿𝗲𝘀𝗶𝘀𝘁𝗮 𝗻𝗮 𝗱𝗮𝗽𝗮𝘁 𝗶𝘀𝗮𝗶𝗹𝗮𝗹𝗶𝗺 𝘀𝗮 𝗺𝗮𝘀𝘂𝘀𝗶𝗻𝗴 𝗶𝗺𝗯𝗲𝘀𝘁𝗶𝗴𝗮𝘀𝘆𝗼𝗻 𝘀𝗶𝗻𝗮 𝗱𝗮𝘁𝗶𝗻𝗴 𝗣𝗮𝗻𝗴𝘂𝗹𝗼𝗻𝗴 𝗥𝗼𝗱𝗿𝗶𝗴𝗼 𝗥𝗼𝗮 𝗗𝘂𝘁𝗲𝗿𝘁𝗲 𝗮𝘁 𝗮𝗻𝗮𝗸 𝗻𝗶𝘁𝗼𝗻𝗴 𝘀𝗶 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁 𝗜𝗻𝗱𝗮𝘆 𝗦𝗮𝗿𝗮 𝗗𝘂𝘁𝗲𝗿𝘁𝗲 𝗻𝗮 𝗽𝗼𝘀𝗶𝗯𝗹𝗲𝗻𝗴 𝗺𝗮𝘆𝗿𝗼𝗼𝗻 𝘀𝗶𝗹𝗮𝗻𝗴 𝗻𝗮𝗹𝗮𝗹𝗮𝗺𝗮𝗻 𝗸𝗮𝘂𝗴𝗻𝗮𝘆 𝘀𝗮 𝗽𝗮𝗴𝘁𝗮𝘁𝗮𝗴𝗼 𝘀𝗮 𝗯𝗮𝘁𝗮𝘀 𝗻𝗴 𝗹𝗶𝗱𝗲𝗿 𝗻𝗴 𝗞𝗶𝗻𝗴𝗱𝗼𝗺 𝗼𝗳 𝗝𝗲𝘀𝘂𝘀 𝗖𝗵𝗿𝗶𝘀𝘁 (𝗞𝗢𝗝𝗖) 𝗻𝗮 𝘀𝗶 𝗣𝗮𝘀𝘁𝗼𝗿 𝗔𝗽𝗼𝗹𝗹𝗼 𝗖. 𝗤𝘂𝗶𝗯𝗼𝗹𝗼𝘆.

Ipinaliwanag ni Valeriano, chairman ng House Committee on Metro Manila Development, na maaaring may nalalaman ang mag-amang Duterte tungkol sa mahabang panahong pagtatago ni Pastor Quiboloy kaya dapat lamang na maisailalim sila sa masusing pagsisiyasat.

Dagdag pa ni Valeriano na naging kaduda-duda rin ang mga naging sagot ng mag-amang Duterte nang minsan silang tanungin patungkol sa posibleng kinaroroonan ng puganteng lider ng KOJC. Ang isinagot ng dating Pangulo ay hindi nito sasabihin kung nasaan si Quiboloy habang si VP Sara naman aniya ay sumagot na maaaring nakalabas na ng Pilipinas ang naturang wanted ng Pastor. Kung saan, may isinagot pa itong nasa Langit si Quiboy.

Sabi pa ng Manila solon na ang naging pahayag ni VP Sara na wala na umano sa compound ng KOJC sa Davao City si Quiboloy ay isang malinaw na indikasyon na posibleng inililigaw o kaya ay nililinlang nito ang mga pulis na naghahanap at tumutugis sa puganteng Pastor.

Dahil dito, ipinahayag pa ni Valeriano na dapat saliksikin din sa nasabing imbestigasyon kung mayroon talagang naging partisipasyon o papel ang mag-amang Duterte sa pagtatago ni Quiboloy at kung sakaling mapatunayan ito ay nararapat lamang aniya na masampahan sila ng kaukulang kaso.

Naninindigan din ang mambabatas na hindi magkakaroon ng lakas ng loob si Quiboloy na pagtaguan ang batas kung wala talagang “malaking tao” ang nagbigay sa kaniya ng proteksiyon.

Pagdidiin ni Valeriano na dapat lamang na kasuhan ng obstruction of justice ang mga taong ito dahil sa prinsipyong walang sinoman ang makakahigit sa batas o kung tawagin aniya ay “no one is above the law”.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆