𝗦𝗜𝗡𝗨𝗦𝗨𝗣𝗢𝗥𝗧𝗔𝗛𝗔𝗡 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗠𝗮𝗷𝗼𝗿𝗶𝘁𝘆 𝗟𝗲𝗮𝗱𝗲𝗿 𝗮𝘁 𝗜𝘀𝗮𝗯𝗲𝗹𝗮 𝟲𝘁𝗵 𝗗𝗶𝘀𝘁. 𝗖𝗼𝗻𝗴. 𝗙𝗮𝘂𝘀𝘁𝗶𝗻𝗼 “𝗜𝗻𝗻𝗼” 𝗔. 𝗗𝘆 𝗩 𝗮𝗻𝗴 𝗽𝗮𝗵𝗮𝘆𝗮𝗴 𝗻𝗶 𝗛𝗼𝘂𝘀𝗲 𝗦𝗽𝗲𝗮𝗸𝗲𝗿 𝗙𝗲𝗿𝗱𝗶𝗻𝗮𝗻𝗱 𝗠𝗮𝗿𝘁𝗶𝗻 𝗚𝗼𝗺𝗲𝘇 𝗥𝗼𝗺𝘂𝗮𝗹𝗱𝗲𝘇 𝗻𝗮 𝗺𝗮𝘆𝗿𝗼𝗼𝗻𝗴 𝗺𝗮𝗻𝗮𝗻𝗮𝗴𝗼𝘁 𝘀𝗮 𝗺𝗴𝗮 𝗶𝗹𝗹𝗲𝗴𝗮𝗹 𝗻𝗮 𝗮𝗸𝘁𝗶𝗯𝗶𝗱𝗮𝗱 𝗻𝗮 𝗸𝗶𝗻𝗮𝘀𝗮𝗻𝗴𝗸𝘂𝘁𝗮𝗻 𝗻𝗴 𝗶𝗹𝗹𝗲𝗴𝗮𝗹 𝗻𝗮 𝗼𝗽𝗲𝗿𝗮𝘀𝘆𝗼𝗻 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗢𝗳𝗳𝘀𝗵𝗼𝗿𝗲 𝗚𝗮𝗺𝗶𝗻𝗴 𝗢𝗽𝗲𝗿𝗮𝘁𝗼𝗿𝘀 (𝗣𝗢𝗚𝗢).

Ipinaliwanag ng House Deputy Majority Leader na kinakailangang panagutan at maparusahan ang mga taong nagbigay ng proteksiyon at nagsilbing “padrino” upang makapasok sa Pilipinas ang illegal na operasyon ng POGO at higit sa lahat ay lumaganap ito sa iba’t-ibang bahagi ng bansa.

Pagdidiin ni Dy na hindi dapat basta na lamang kalimutan at ipagkibit balikat ang pagkakasangkot o “involvement” ng mga kilalang personalidad na nalantad ang kanilang pagkakakilanlan matapos silang tukuyin na nagbibigay pala ng proteksiyon at tumayong “padrino” ng POGO operations.

Sabi pa ni Dy, sa ilalim ng batas, malaki ang pananagutan ng mga nasabing personalidad o mga dating opisyal ng pamahalaan sapagkat mistulang pinagtaksilan nila ang kanilang sariling bansa dahil sa pagbibigay ng proteksiyon sa mga Chinese nationals na nagpasimula at nag-operate ng illegal POGO sa Pilipinas.

Ang pinaghuhugutan ng pahayag ni Dy ay patungkol sa pagtitiyak ni Speaker Romualdez na mayroong mananagot sa mga illegal activities na iniuugnay o kinasasangkutan ng illegal POGO operations.

“Those who are accountable will have to face the law. Mananagot sila sa batas,” pahayag ni Speaker Romualdez kaugnay sa mga taong nasangkot sa POGO.

Sinabi pa ng kongresista na na-establisa at lumago ang operasyon ng POGO sa Pilipinas noong nakaraang administrasyon. Subalit makalipas ang ilang taon ay mas lalo pang dumami ang illegal activities na kinasasangkutan ng POGO na ginagamit na front.

Samantala, pinangunahan naman ni Dy ang pormal na pagbubukas at ribbon cutting ng ipinagawa nitong “road concreting project” na matatagpuan sa Barangay, Rizal East San Isidro, Isabela na magbibigay ng malaking pakinabang para sa mga residente ng lalawigan.