𝗦𝗔 𝗞𝗔𝗕𝗜𝗟𝗔 𝗻𝗴 𝗺𝗴𝗮 𝘂𝘀𝗮𝗽𝗶𝗻 𝘀𝗮 𝗯𝗮𝗻𝘀𝗮 𝗴𝗮𝘆𝗮 𝗻𝗴 𝗽𝗮𝗴𝘀𝘂𝗸𝗼 𝗻𝗶 𝗞𝗶𝗻𝗴𝗱𝗼𝗺 𝗼𝗳 𝗝𝗲𝘀𝘂𝘀 𝗖𝗵𝗿𝗶𝘀𝘁 (𝗞𝗢𝗝𝗖) 𝗣𝗮𝘀𝘁𝗼𝗿 𝗔𝗽𝗼𝗹𝗹𝗼 𝗖. 𝗤𝘂𝗶𝗯𝗼𝗹𝗼𝘆, h𝗶𝗻𝗱𝗶 𝗻𝗮𝘁𝗶𝘁𝗶𝗻𝗮𝗴 𝘀𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗦𝗽𝗲𝗮𝗸𝗲𝗿 𝗮𝘁 𝗖𝗲𝗯𝘂 𝟱𝘁𝗵 𝗗𝗶𝘀𝘁. 𝗖𝗼𝗻𝗴. 𝗩𝗶𝗻𝗰𝗲𝗻𝘁 𝗙𝗿𝗮𝗻𝗰𝗼 “𝗗𝘂𝗸𝗲” 𝗗. 𝗙𝗿𝗮𝘀𝗰𝗼 𝘀𝗮 𝗽𝗮𝗴𝘁𝘂𝘁𝗼𝗸 𝗻𝗶𝘁𝗼 𝘀𝗮 𝗸𝗮𝗻𝗶𝘆𝗮𝗻𝗴 𝗺𝗴𝗮 𝗻𝗮𝗸𝗮𝗵𝗶𝗹𝗲𝗿𝗮𝗻𝗴 “𝗽𝗿𝗶𝗼𝗿𝗶𝘁𝘆 𝗽𝗿𝗼𝗷𝗲𝗰𝘁𝘀” 𝘀𝗮 𝗸𝗮𝗻𝗶𝗹𝗮𝗻𝗴 𝗹𝗮𝗹𝗮𝘄𝗶𝗴𝗮𝗻.

Para sa House Deputy Speaker, ayaw nitong maantala ang paghahatid nito ng serbisyo para sa kanyang lalawigan kaya prayoridad pa rin ng mambabatas ang mga priority projects sa kaniyang distrito.

Dahil dito, pinangunahan ni Frasco ang ginanap na turn-over ceremony sa kanyang bayan sa Liloan, Cebu para sa bagong gawang Barangay Yati PNP Substation na nagkakahalaga ng P10 milyon kasama na dito ang bagong covered court na umabot naman ng P5 milyon.

Ayon kay Frasco, malaki ang maitutulong ng bagong Philippine National Police (PNP) substation sa kanilang bayan para sa pagpapanatili ng katahimikan sa pamamagitan ng pagkakaroon ng police visibility sa mga barangay na sakop ng Liloan.

Ang bagong covered court naman aniya ay makakatulong para maggamit ng libo-libong residente bilang evacuation center sa panahon ng kalamidad at sakuna.

Namahagi din si Frasco ng P600,000 para sa mga lumahok sa PASIGARBO sa Sugbo 2024 kung saan, ipinamalas ng mga nagsilahok ang kanilang talento at husay sa sa pagsasayaw.