PINATUNAYAN ni House Deputy Speaker at Cebu 5th Dist. Cong. Vincent Franco “Duke” D. Frasco ang de-kalidad na serbisyo ng “Team Frasco” matapos na muli nilang ilunsad ang isa pang serbisyo publiko sa pamamagitan ng “road concreting project” sa bayan ng Carmen, Cebu City.

Sinabi ni Frasco na ninilunsad nila ang road concreting project para sa Sitio Bawos-Bawos, Barangay Lanipga na nagkakahalaga ng P15 million na inaasahang magbibigay ng malaking ginhawa para sa mga residente ng nasabing lugar sa larangan ng pagne-negosyo o pang-kabuhayan.

Kasabay nito, natungo naman si Congressman Frasco kasama ang “Team Frasco” sa Barangay Lower Natimao para sa ginanap na “turn-over ceremony” para naman sa ipinatayo nilang covered court na nagkakahalaga ng P4 million.

Namahagi din si Frasco ng cash assistance para sa mga mahihirap indigent na estudyante ng Lanipga Elementary School. Gayundin sa mga mag-aaral ng Santican Elementary School sa Liboron at Luyang Elementary School.

Ipinaabot naman ng mga teachers at school officials ng mga nasabing paaralan ang kanilang marubdob na pasasalamat kay Congressman Frasco dahil sa pagbibigay nito ng “priority” sa edukasyon at ang patuloy na pagsuporta nito sa mga mag-aaral partikular na para sa mga mahihirap na estudyante.

“Nagpapasalamat po kami kay Congressman Duke Frasco dahil sa kaniyang walang suporta at tulong na ibibinigay sa ating mga estudyante. Nagpapasalamat kami dahil sa kaniyang patuloy na suporta para sa edukasyon,” pahayag ng mga teachers bilang pasasalamat sa kongresista.