PATUTUNAYAN muli ni Sugar Ray “The Mammoth” Estroso ang kanyang angking galing sa gagawing pakikipagsagupa laban kay top challenger Boss Bullet sa Universal Reality Combat Championship sa XYLO at the Palace sa Bonifacio Global City Taguig sa Agosto 23.

Ang slambang event na tatampukan nina Estroso, ang kasalukuyang URCC Global heavyweight champion at 3X3 titleholder, at Bullet, na Kuwait-based OFW, ay itinataguyod ni URCC head Alvin Aguilar.

“Although this is purely an exhibition bout, we can expect a good fight between Estroso and Bullet,” pahayag ni Aguilar sa nakalipas na media launch sa XYLO sa BGC .

“Long-time URCC fans know Estroso very well. Si Bullet is a vlogger who trains regularly while waiting for the opportunity. Hinamon niya si Sugar. Akala nga namin for the views lang pero talagang pumunta siya dito at nakipag-usap sa akin for the chance to face off with Estroso,” dagdag pa ni Aguilar.

“Actually, nagkasuntukan na nga sila sa airport pa lang.”

Bukod sa sagupaang Estroso-Bullet, magkakaroon din ng Team Mammoth vs Team Boss Bullet sa 3X3 supporting event.

“We will be announcing additional bouts every week until fight night in August,” dugtong pa ni Aguilar.