NGAYONG September 24 at 25, nagbabalik sa U.S. concert scene ang GMA Pinoy TV para sa pinakamalaking selebrasyon ng ika-17 anibersaryo nito!

Magsasama-sama sa “Together Again: A GMA Pinoy TV @ 17 Concert” ang naglalakihang Kapuso stars na sina multi-awarded actress and box office icon Bea Alonzo, Kapuso Comedy Concert Queen Aiai Delas Alas, Asia’s Nightingale Lani Misalucha, Asia’s Limitless Star Julie Anne San Jose, Kapuso Total Heartthrob Rayver Cruz, at Kapuso Primetime King Dingdong Dantes. Gaganapin ang two-night concert sa Pechanga Theater, Pechanga Resort Casino sa Temecula, California, USA.

Ibinahagi ni Bea kung gaano siya ka-excited para sa kanyang unang concert abroad bilang Kapuso. “I will be on the GMA Pinoy TV stage for the first time with my fellow Kapuso stars, and excited ako kasi I want to give the Pinoys abroad the entertainment and the joy that they so deserve dahil ang dami nating pinagdaanan this past year.”

“Mga Kapuso abroad, ito na po ang hinihintay ninyo na concert. Malapit na malapit na po at sana’y manood kayo,” dagdag ni Aiai.

“I am overjoyed because GMA Pinoy TV is going to have a concert once again here in the US,” saad ni Lani na kasalukuyang nasa Amerika. “I am going to be performing with my kumare and my co-judge in ‘The Clash,’ Ms. Aiai delas Alas. Not only that, I will also be performing with this very adorable couple, Rayver Cruz and Julie Anne San Jose. Kasama rin po natin dito sa GMA Pinoy TV concert in the US ang napakaguwapong si Dingdong Dantes at ang very beautiful na si Bea Alonzo.”

Handang-handa naman si Julie Anne na muling ipakita ang kanyang limitless talent sa kanyang mga kababayan doon. “We’re very excited to show to everyone kung ano ‘yung mga inihinanda naming prod numbers. It’s also a great opportunity for all of us kasi makikita namin ulit ‘yung mga Kapuso natin abroad after a very long time.”

“Sobrang excited kasi ang tagal na nga na panahon after New York, ilang years ago ‘yun, so excited na kami makita ‘yung mga Kapuso namin d’yan sa Amerika,” dagdag naman ni Rayver.

At siyempre, looking forward din si Dingdong na makasama muli ang mga Kapuso abroad dahil 2018 pa noong huli siyang bumyahe sa US kasama ang GMA Pinoy TV, “Ang saya kasi iba talaga ‘yung pakiramdam na makita mo at makausap mo sila nang harapan. Iba rin kasi kapag online.”

Sa direksyon ni Mark Reyes, ang “Together Again: A GMA Pinoy TV @ 17 Concert” ay inihahandog ng Pechanga Resort Casino sa pakikipagtulungan sa GMA Pinoy TV, Starmedia Entertainment, at GMA Synergy. Kasama rin dito ang GMA Regional TV, GMA Entertainment Group, GMA Life TV, GMA News TV, at Tancinco Law P.C.

“We are more than thrilled to share with our beloved Kapuso abroad that GMA Pinoy TV is having a comeback concert in the US after over two years of physically distanced and virtual events. As fitting as our concert title, there is no better time to be ‘Together Again’ than to be with our fellow kababayans as we celebrate our anniversary. After all, they are the reason why GMA Pinoy TV is standing Stronger Together through 17 years,” lahad ni GMA International First Vice President and Head Joseph T. Francia.

Maaaring bumili ng tickets sa mga sumusunod na website: www.pechanga.com, www.ticketmaster.com, at www.starmediaentertainment.com.

Para sa ibang detalye at updates sa mga GMA Pinoy TV event, bisitahin ang www.gmapinoytv.com.