PINUKAW ng ‘daily winner’ mula Marinduque ang puso ng mga viewer ng Christmas episode ng “58 Days ng Milyon-Milyong Pa-premyo” ni Manong Luis “Chavit” Singson sa kanyang official Facebook page.

Wagi sa ‘daily winner’ si Shirley Rey, ‘single mom’ na gaya ng ibang mga magulang ay hirap sa pagpapa-aral ng kanilang mga anak.

Sa panayam ng online game show hosts na sina Jourdan Sebastian at CJ Hirro, hindi napigilang ilabas ni Rey ang bigat na nararamdaman.

Hindi nito napigilang lumuha nang magkuwento ukol sa hirap ng kanilang buhay kaya ganoon na lamang ang kanyang tuwa nang manalo ng P200,000.

Kinakitaan siya ng tatag at lakas ng loob ni Manong Chavit kaya naman dinagdagan pa ang kanyang cash prize ng P80,000, mula sa P116,000 na unang napanalunan.

Iginiit ni Rey na malaking tulong ang halagang ibinigay ni Manong Chavit para mapagtapos ang bunsong anak na kasalukuyang kumukuha ng Tourism Management sa kolehiyo.

Dagdag pa ni Rey, lubhang napakahirap tustusan ang pag-aaral ng kanyang bunsong anak dahil mahal ang kurso nito dagdag pa ang mga ‘travel and tour’, na may dagdag-grado sa mga mag-aaral na sumasama rito.

Dahil sa kaantig-antig na kuwento ni Rey, ang katatapos lamang na Christmas episode ng “58 Days ng Milyon-milyong Pa-premyo” ay mayroon ng 522,000 comments, 17,000 reactions, and 12,000 shares, na patuloy pang namimigay ng P5,800 sa 55 pang mga nanalo ng araw na iyon na dali-dali namang ipinadala ng Team Chavit sa kani-kanilang VBank PH accounts.

Lubos na ipinagpasalamat ni Rey ang kabutihang loob na ipinadama ni Manong Chavit, na ayon pa sa kanya ay hindi na muli pang magiging problema ang pagpapatapos sa anak na lalong naging dahilan ng patuloy åna pag-alagwa ng viewership ng show online.

Ayon sa ilang malapit na kaibigan, noon pa man ay tumutulong na si Singson sa pag-aaral hindi lamang sa kanyang mga kababayan sa Ilocos Sur, kundi maging sa iba’t ibang panig ng bansa.

Patuloy namang nagpapaalala ang mga host ng programa na i-follow lamang ang official Facebook page ni Manong Chavit sa Log in or sign up to view at i-download ang VBank app para makasali sa pa-premyong ipinamimigay araw-araw na tatakbo naman hanggang February 10, 2025.