DEDO noong Lunes ang isang babae at sugatan naman ang lalaki matapos pagbabarilin sa kanilang bahay sa Sitio Cyo, Brgy. Barualte, San Juan, Batangas.

Napatay si Teodora Galora Galino at sugatan si Arcangel Armamento Patal, ayon sa mga pulis.

Kinilala ng mga pulis ang mga suspek sa pagpatay na sina alyas Andrew, alyas Nemecio, alyas Herman at ang isang hindi kilalang lalaki.

Dumating ang mga suspek sa lugar at sa hindi malamang dahilan puwersahang pinasok ang bahay ng mga biktima bandang alas-10:51 ng gabi ng Enero 5.

Ayon sa mga pulis, armado ng hindi pa mabatid na kalibre ng baril ang mga suspek at pinaputukan ng ilang beses ang dalawang biktima at tumalilis na patungo sa hindi malamang direksyon pagkatapos ng pamamaril.