UMABOT sa 500 pamilya o 1,500 katao ang naabo ang bahay sa halos 9 na oras na sunog sa Brgy. 310, Zone 31, Sta. Cruz, Manila noong Miyerkules.

Walang naisalbang gamit ang mga nasunugan dahi mabilis kumalat ang sunog na nagsimula alas-9:41 ng gabi at umabot ng ikalimang alarma bago naapula ng bandang alas-6:24 ng umaga.

Nananatili ngayon sa covered court ng barangay at sa gilid ng kalye ang mga nasunugan, ayon sa report.

Inilikas din ang nasa 600 na mga preso dahil katabi lang ng Manila City Jail ang sunog at dahil din sa kapal ng usok.

Tinatayang nasa mahigit P3.75 million ang halaga ng mga ari-arian na natupok ng sunog.