ISANG 18-anyos na binatilyo ang nahuli ng mga pulis ng District Special Operation Unit (DSOU) ng Manila Police District dahil sa pagdadala ng baril sa Del Fierro St., Gagalangin, Tondo, Maynila noong Linggo.

Ayon sa ulat ni Police Lieutenant Colonel Marlon Mallorca, hepe ng DSOU, nahuli si alyas Dodong dakong alas-8:30 ng umaga.

Bago siya inaresto, isang impormante ang nagbulong sa mga awtoridad na may dalang baril ang suspek ng pumasok sa kanyang pinagtatrabahuhang hardware.

Nahuli siya sa bisa ng arrest warrant na inisyu ni Judge Delight Aissa Salvador, Presiding Judge ng Regional Trial Court Branch 29 ng Maynila.