NASAWI ang dalawang lalaki ng mahulog mula sa flyover at bumagsak sa riles ng Metro Rail Transit 3 (MRT-3) sa pagitan ng Taft at Magallanes stations noong Linggo, Hunyo 12.

Pansamantalang nahinto ang operasyon ng MRT-3 south bound dahil dito.

“Train operations were halted as security personnel and medical professionals responded at the area of incident. No breakdowns on MRT3 system have been reported,” sabi ng MRT-3 sa isang pahayag.

Agad din umanong dumating ang mga tauhan ng Scene of the Crime Operatives (SOCO) ng Philippine National Police (PNP).

Nagbalik-operasyon ang south bound alas-7:26 ng gabi.