SUMIKIP ang daloy ng trapiko sa ibabaw ng Delpan Bridge makaraang magkabangagaan ang dalawang truck dito noong Miyerkoles.

Bandang alas-11:00 ng gabi nang magsimulang magsikip ang daloy ng traffic na umabot sa Mel Lopez Boulevard hanggang sa Parañaque at Navotas City.

Dumausdos pababa ang truck na mabigat ang karga na mga bakal at nasapol at magitgit ang kasunod na truck.

Ayon sa ulat ng Vehicular Investigation Traffic Section (VITS) ng Manila District Traffic Enforcement Unit (MDTEU), mga lumang bakal ang laman ng truck na minamaneho ni Jeffrey Maerin.