Fabella

470,000 kaso ng TB naitala noong 2022

131 Views

UMABOT sa 470,000 ang mga Pilipino na nagkaroon ng tuberculosis (TB) noong 2022, ayon sa Department of Health (DOH).

Ayon kay Dr. Ronald Allan Fabella, TB advisor ng DOH, mas marami ang inaasahang bilang ng mga Pilipino na nahawa ng TB batay sa pagtataya ng World Health Organization (WHO).

Ang 470,000 na naitala ay ang mga nagpagamot lamang umano.

Binigyan-diin ni Fabella ang pangangailangan na matukoy ang mga indibidwal na mayroong TB upang magamot ang mga ito at hindi makapanghawa.

Nakaapekto umano sa kampanya ng gobyerno kontra TB ang pandemya.

Sa Marso 24 ay gugunitain ang World TB Day.