ARESTADO ang pitong obrero dahil sa illegal tapping to the water/sewer or distribution pipe sa Block 1, Dubai, Baseco compound, Port Area, Manila noong Llunes.

Kinilala ni Police Lt. Col. Emmanuel Gomez ang isa sa mga suspek na si alyas Richard.

Base sa pahayag ni Jocelyn Omambac, barangay tanod sa Brgy. 649, Baseco compound, huling-huli ang ginagawang pang wawaldas ng tubig sa isang construction site sa lugar.

Naaktuhan din ang 6 pang kasamahan ng suspek na gumagamit ng nakaw na tubig ng Maynilad gamit ang 60-metrong tubo.

Nakumpiska ang 3 handheld radios, dalawang pliers, limang screwdrivers, isang flashlight, isang ridgid pipe wrench at 3 motor pipe mula sa pitong suspek.