PATAY ang rider ng dumulas ang motorsiklo niya sa pakurbang portion ng Marcos highway at nagulungan ng closed van sa Sitio Painuman, Brgy. Inarawan, Antipolo City noong Sabado.

Kinilala ang biktima na si alyas Mark, estudyante.

Sakay sa Suzuki Raider ang biktima kasama ng mga fellow riders sa motorcycle race ng maganap ang aksidente sa uphill na bahagi ng highway dakong alas-12:30 ng tanghali.

Habang tinatahak ang lugar, dumulas at tumilapon ang biktima at minalas magulungan ng isang closed van na minamaneho ni alyas Jayce, 25.

Idineklaran dead-on-arrival ang biktima sa Cabading Hospital ni Dr. Hedy Mae Bautista, attending physician.

Nasa kustodya ng Antipolo police ang closed van.