MAYROON ng naitalang kaso ng mas nakakahawang Omicron BQ.1 sa bansa, ayon sa Department of Health (DOH).

Ang Omicron BQ.1 ay sublineage ng highly transmissible na BA.5 subvariant.

Mayroon umanong 14 na kaso ng ng BQ 1 ang na-detect sa genome sequencing na isinagawa ng UP-Philippine Genome Center, Research Institute for Tropical Medicine, at San Lazaro Hospital mula Oktobre 28 hanggang Nobyembre 18.

Sa 14 na kaso, 13 umano ang na-detect sa Administrative Region, Regions 1, 4A, 7, at National Capital Region (NCR).

Inaalam pa ng DOH kung ang isang kaso ay returning overseas Filipino (ROF).

Ang BQ 1 at ang katulad nitong BQ 1.1 ang uri na nagpataas sa mga kaso ng COVID-19 sa Estados Unidos.