MAS bet ng aktres na si Sanya Lopez ang aktor na si Joshua Garcia kaysa kay Alden Richards.

Sa episode nitong Huwebes, Nobyembre 2 ng GMA talk show na “Fast Talk with Boy Abunda” kasama ang King of Talk na si Boy Abunda, napasubo ang aktres sa segment na “Pick and Talk” matapos tanungin kung sinong mas gusto niya sa mga kilalang aktor.

“Si Richards or Joshua Garcia?” wika ni Tito Boy.

“Piliin ko muna si Joshua Garcia,” pahayag naman ni Sanya.

Saad ng aktres, nakita raw niya ang pagiging totoo ni Joshua kaya niya ito pinli.

“Kasi si Joshua parang noong una ko siyang nakita sa ‘Unbreak My Heart’ nila, sa isang mall, very genuine,” sey ni Sanya.

Nang magkaroon daw kasi sila ng interaction ng aktor ay inaya siya nito kung pwede bang magpakuha ng litrato ang pamilya ng aktor, at si Sanya pa raw ang nahiya.

Pakiramdam pa niya’y magki-click ang kanilang samahan.

“Parang feeling ko magiging okay kami ‘pag magkasama, parang wala kaming dull moments agad,” wika ng aktres.

Humirit naman si Tito Boy at binanggit ang husay sa mga kissing scenes ni Joshua.

“Iba siyang humalik,” banggit ng King of
Talk.

“Ha? Po? Na-tense ako Tito Boy!” hirit naman ni Sanya.

“‘Di ba? Am I right? People talked about it. I spoke to Joshua about it when he was here,” dagdag pa ni Tito Boy.

Natawa na lamang si Sanya at humirit ng sagot na, “Parang hindi ko pa naman po na-try.”