Knireklamo ng adultery at unjust vexation ang 34 anyos na misis at ang diumano’y kalaguyo nito.

Sa report ng Quezon City Police District (QCPD)  Masambong Police Station 2, bandang 2:00 ng hapon (April 20), nang mahuli ang magkalaguyo sa  Room S-105, Toffes Hometel sa No. 51 West Ave., Brgy. Paltok, Quezon City.

Batay sa imbestigasyon ni P/MSg Babes Bien O Santos, napansin umano ng mister ang mga kakaibang ikinikilos ng misis  nitong mga nakaraang araw.

Dahil dito, nagpasyang sundan ni mister ang misis at nang makita itong pumasok sa nasabing hotel ay agad na nagpasaklolo sa mga opisyal ng Brgy. Paltok, dahilan upang arestuhin ang sinasabing magkalaguyo.

Nakapiit na ang mga suspek habang inihahanda ang kasong isasampa laban sa kanila.