Puring-puri ng dalawang stars ng Kuman Thong na sina Cindy Miranda at Althea Ruedas ang direktor nila na si Xian Lim.

First time nakatrabaho ng dalawang stars si Xian bilang direktor at naging napakaganda ng kanilang experience working with him.

“Very cool si Xian. Kasi siyempre, marami po tayong naririnig kay Xian kasi never ko pa pong nakatrabaho si Xian. Pero you know, ako, nakakabasa po ako ng, alam mo, ‘yung mga write-ups po kay Xian,” sey ni Cindy sa mediacon ng Kuman Thong kamakailan.

“Well, may mga bad (write-ups) po to be honest, right? Lalo na sa ma issue po ni direk Xian,” dagdag ng aktres.

Bukod sa pagiging cool director ay very hands on din daw si Xi sa pagdidirek.

“Si Xian po, ang napansin ko sa kanya, very passionate po siya sa pagiging direktor niya. Sabi niya nga, 15 years na po siyang nag-a-act, so naiintindihan niya kami as an actor.

“Sabi niya, ‘wag daw kaming mag-alala kasi naiintindihan niya lahat ‘yung proseso namin,” kwento ni Cindy.
The film was shot in Thailand.

Tsika pa ni Cindy, sa six days of filming nila sa nasabing bansa ay never niyang nakitang nagalit si Xian.

“Pagdating po do’n sa Thailand, hindi po siya nagalit. Never ko po siyang nakitang nagalit. As in never uminit ang ulo niya kahit sobrang init. Kasi nakakainit po talaga ng ulo ang init sa Thailand,” sey ni Cindy.

Sey naman ng child actress na si Althea, “Si Direk Xian po, I love him so much. Direk Xian po kasi, he’s open for suggestions.”
Bukod dito ay hindi maarte ang aktor/direktor.

“Meron pong one time, humiga po siya sa road, sa daan po. Humiga po siya do’n para ipakita po niya sa amin kung ano ang gagawin. Kaya sobrang amazed po ako kay direk. Idol ko na po siya,” sey ni Althea.

Sayang nga at hindi narinig personally ni Xian ang mga papuri sa kanya ng kanyang mga artista. Hindi nakarating ang aktor/direktor sa mediacon dahil sa prior commitment.

Bukod sa pagiging direktor, si Xian din ang sumulat ng script ng Kuman Thong. Ito rin ang kanyang first full-length horror film as a director.

Kasama nga rin pala sa cast si Emman Esquivel at ang mga Thai actor na sina Max Nattapol Diloknawarit at Jariya Therakaosal.

Mapapanood na ang Kuman Thong sa mga sinehan nationwide simula sa July 3.