PATAY ang ginang na naipit sa likod na gulong ng truck sa San Marcelino St. malapit sa Remedios St. sa Paco, Maynila noong Huwebes.

Tinatayang nasa edad 45-50-anyos,nakapulang t-shirt, puting short pants at sinasabing taong grasa ang biktima.

Ayon kay Police Major Val Valencia, hepe ng Paco police community precinct-Manila Police District Station 5, naganap ang insidente bandang alas-4:30 ng hapon.

Base sa CCTV footage, nakahinto ang truck ng biglang tumawid at sumuot sa pagitan ng mga gulong sa likod ng truck.

Umandar ang truck at nakaladkad ng ilang metro ang biktima na nagresulta ng kanyang kamatayan.

Sumuko ang driver ng truck na nakilalang si Rey Lebato, 34, na ngayo’y nahaharap sa kasong Reckless Imprudence Resulting to Homicide.