INAPRUBAHAN ni Manila Mayor Honey Lacuna ang P2,000 na incentive para sa mga estudyanteng magtatapos ngayong taon sa Pamantasan ng Lungsod ng Maynila (PLM) at Universidad de Manila (UdM).

Nilagdaan ng alkalde ang ipinasang Ordinance No. 9068 ng Sangguniang Panlungsod na inakda nina Konsehal Pamela Fugoso-Pascual at Majority Floor Leader Ernesto Isip, Jr. na sinang-ayunan ng nakararaming miyembro ng Konseho.

Sinabi ng alkalde na ang “Taas-Noo Manileño Graduation Gift” ipagkakaloob sa 2,040 na mga magtatapos sa UdM at 4,400 na magtatapos sa PLM para sa school year 2023-2024.

Ang PLM at UdM na pang-kolehiyong institusyong ng edukasyon parehong pinangangasiwaan at pinopondohan ng Maynila.