𝗦𝗔 𝗞𝗔𝗕𝗜𝗟𝗔 𝗻𝗴 𝗽𝗮𝗴𝗶𝗴𝗶𝗻𝗴 𝗮𝗯𝗮𝗹𝗮 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗠𝗮𝗷𝗼𝗿𝗶𝘁𝘆 𝗟𝗲𝗮𝗱𝗲𝗿 𝗮𝘁 𝗜𝘀𝗮𝗯𝗲𝗹𝗮 𝟲𝘁𝗵 𝗗𝗶𝘀𝘁. 𝗖𝗼𝗻𝗴. 𝗙𝗮𝘂𝘀𝘁𝗶𝗻𝗼 “𝗜𝗻𝗻𝗼” 𝗔. 𝗗𝘆 𝗩 𝘀𝗮 𝗴𝗶𝗻𝗮𝗴𝗮𝗻𝗮𝗽 𝗻𝗮 𝗯𝘂𝗱𝗴𝗲𝘁 𝗱𝗲𝗹𝗶𝗯𝗲𝗿𝗮𝘁𝗶𝗼𝗻 𝘀𝗮 𝗞𝗮𝗺𝗮𝗿𝗮 𝗱𝗲 𝗥𝗲𝗽𝗿𝗲𝘀𝗲𝗻𝘁𝗮𝗻𝘁𝗲𝘀, p𝗶𝗻𝗮𝗻𝗴𝘂𝗻𝗮𝗴𝗮𝗻 𝗽𝗮 𝗿𝗶𝗻 𝗻𝗶𝘁𝗼 𝗮𝗻𝗴 𝗶𝗻𝗮𝗴𝘂𝗿𝗮𝘀𝘆𝗼𝗻 𝗻𝗴 𝗸𝗮𝗻𝗶𝘆𝗮𝗻𝗴 𝗺𝘂𝗹𝘁𝗶-𝗺𝗶𝗹𝘆𝗼𝗻 𝗽𝗶𝘀𝗼𝗻𝗴 𝗽𝗿𝗼𝘆𝗲𝗸𝘁𝗼 𝘀𝗮 𝗸𝗮𝗻𝗶𝗹𝗮𝗻𝗴 𝗹𝗮𝗹𝗮𝘄𝗶𝗴𝗮𝗻.

Aminado ang House Deputy Majority Leader na hindi sila magkanda-ugaga dahil sa dami ng kanilang mha trabaho sa Kongreso na sinabayan pa ng kasalukuyang pagtalakay nila sa 2025 proposed national budget na isinusumite ng mga ahensiya ng pamahalaan.

Sabi ni Dy na naisisingit pa rin nila sa kanilang napakahigpit na schedule ang pangangasiwa sa mga proyektong pinasimulan nila sa kanilang mga distrito lalo na kung mayroon itong kinalaman sa imprastraktura.

Ipinabatid ng kongresista na pinangunahan nito ang inagurasyon ng bagong paggawang multi-purpose building project sa Barangay Centro 1 sa San Guillermo, Isabela na nagkakahalaga ng P4 million.

Ayon kay Dy, ang naturang multi-purpose building ay ilan lamang sa mga nakahilerang proyekto nito sa kanilang lalawigan kabilang na dito ang pagpapatayo ng mga bagong silid paaralan at mga bagong paaralan para matulungan ang libo-libong mag-aaral ng Isabela para magkaroon ng maayos at kombinyenteng eskuwelahan.