BINABANSAGAN nang Labubu Queen si Marian Rivera.

Naging hobby na kasi ni Yan ang mangolekta ng nauusong Labubu na maya’t maya ay panay ang unboxing niya ng bagong Labubu, huh!

Pero hindi lang Labubu ang collection ngayon ni Yan. Meron din siyang Skull Panda, Molly at iba pa. Mula sa Popmart ang nabanggit na designer toys.

Kamakailan, naging special guest si Marian sa opening ng Popmart PH kung saan mabibili ang designer toys na kinahuhumalingan ngayon ng ibang celebrities.

Hindi na lang designer bags at accessories ang collection ni Marian kundi pati designer toys na, huh!

Matrona, accla kikilitiin ng bagong mga ‘boylet’

MAY bago na namang all-male group na magpapainit at kikiliti sa mga matrona at accla!

Ito ay ang lifestyle boy group na Good Pus PH na binuo ang House of Mentorque.

Ang grupo ay kinabibilangan nina Ron Angeles, Raven Molina, BA de Guzman, Peter Mondijar, Ronan Gearis, Thor Gomez, Keivien del Rosario at Vincent Jarina.

Ang Mentorque ang producer ng 2023 festival movie na “Mallari” at ng 2024 entry na “Uninvited” nina Vilma Santos, Aga Muhlach at Nadine Lustre.

Sa November 3 ay birthday ni Ate Vi at ngayong buwan din gagawin ang unang payanig ng Mentorque para sa “Uninvited.”