Hindi naman pala totoong hanggang December na lang mapapanood sa GMA-7 ang “It’s Showtime” at papalitan ito ng network ng ibang noontime show.

Ang tsika nga kasi ay hanggang December na lang ang kontrata ng “It’s Showtime” sa Kapuso network at hindi na umano ire-renew dahil may bagong noontime show nang ipapalit ang naturang istasyon.

Para matapos na ang ispekulasyon, nagbigay ng pahayag si GMA Network Senior Vice President Atty. Annette Gozon-Valdes tungkol dito.

Base sa ulat ng GMA, sinabi ni Annette na ongoing na ang negosasyon para sa renewal ng kontrata ng “It’s Showtime” sa GMA-7.

“We are in the process of negotiations now for the renewal of ‘Showtime’,” pahayag ng GMA executive.

Ibig lang sabihin nito ay may balak naman ang GMA-7 na i-renew ang kontrata ng “It’s Showtime” at hindi nga true na walang offer ng renewal sa noontime show ng grupo ni Vice Ganda.