DAHIL sa puspusang pagsasagawa ng Anti Illegal Drug Operation ng mga kapulisan ng Manila Police District,nabingwit ng mga tauhan ng Station Drug Enforcement Unit ( SDEU)-Malate Police Station 9 ang 30-anyos na target ng operasyon sa panulukan ng Roxas Boulevard at Mabini Bridge sa Barangay, 720 Malate, Manila, iniulat ng pulisya.

Dahil sa isang mapapagkatiwalaang impormante natimbog ang suspek na si alyas “Leandro” binata ng Pasay City,

Ayon sa ulat ni Police Lieutenant Colonel Nelson Cortez, Station Commander, bandang 3:30 ng madaling araw ,nang ikasa ng mga operatiba ang nasabing buy-bust.

Nabatid sa report ng pulisya na narekober ang mahigit 70 gramo ng shabu mula sa suspek na nagkakahalaga sa P476,000.

Ang suspek ay nahaharap sa kasong paglabag sa Section 5 at 11 ,Article ll ng Republic Act 9165.