Calendar
Iniharap ni Police Lieutenant Colonel Nelson Cortez (kanan) ang mga nalambat na mga suspek sa isinagawang buy-bust sa iba’t-ibang lugar sa Ermita, Manila. Kuha ni JonJon Reyes
135 gramo ng shabu narekover sa 9 na suspek na tulak
ARESTADO ang 9 na indibidual ng mga operatiba ng Manila Police District-Ermita Police Station 5 at nakumpiska pa sa kanila ang 135 na gramo ng ipinagbabawal na gamot na nagkakahalaga ng humigit kumulang P1 million sa buy-bust sa Ermita, Manila noong nakaraang Linggo.
Unang naaresto sina alyas Rey, 38; Justine, 24; at Widzmar sa Maria Orosa corner San Andres Sts., Ermita Manila.
Narekober sa tatlo ang mahigit P204,000 na shabu na may timbang na 30 gramo.
Noong Miyerkules, natimbog sina alyas Norman 37, at Rudy 32, at nabawi sa kanila ang mahigit 25 gramo ng shabu na nagkakahalaga ng P182,920 sa San Marcelino at P. Faura Sts., Ermita, Manila.
Natiklo din ang 4 katao na sina alyas Mark Jedrick, 23; Michael, 33; Jhon Carlo, 21, at Rose.
Nabawi sa mga ito ang 80 gramo ng shabu na nagkakahalaga ng P580,000.
Ayon kay P/Lt. Col. Nelson Cortez, inatasan niya ang mga pulis na magsagawa ng mga operasyon laban sa ilegal na droga.
