MAHIGIT P4.8 milyon na halaga ng mahigit 700 gramo ng shabu ang nakumpiska sa 32-anyos na ginang na nalambat sa buy-bust ng pulisya noong Miyerkules sa Taguig City.

Dakong alas-11:40 ng gabi nang dakmain ng mga operatiba ng Station Drug Enforcement Unit (SDEU) ng Taguig police sa Brgy. South Signal si alyas Sherhana matapos tanggapin ang P50,000 na markadong salapi sa pulis na nagpanggap na buyer kapalit ng ibinenta niyang shabu.

Nakumpiska sa pinaghihinalaang tulak ang 708.5 gramo ng shabu na may katumbas na mahigit P4.81 milyon, ayon sa mga pulis.

Inihahanda na ang pagsasampa ng kasong paglabag sa Sections 5 (Sale) at 11 (Possession) ng RA 9165 (Comprehensive Dangerous Drugs Act of 2002) laban kay alyas Sherhana na nakapiit ngayon sa Taguig City Police Station.