NASAKOTE na ng mga pulis ang 52-anyos na obrero na suspek sa kasong murder matapos magtago ng 32 taon.

Sinabi ni Quezon City Police District (QCPD) Pasong Putik Proper Police Station 16 chief P/Lt. Col. Francis Siriban na nakapatay noong 1993 sa Sta. Ana, Maynila ang suspek na natiklo.

Matapos makapatay, nagtago ang suspek sa Biliran at pagbalik sa Brgy. Kaligayahan, Quezon City iba na ang pangalan.

Nang makarating sa pulisya na nasa lungsod ang akusado, agad inaresto ang suspek dahil may warrant of arrest na ito noong 1998 pa.

“Allegedly, kaalitan po niya ang biktima na naging sanhi ng pamamaril niya sa ating biktima. Lumabas po ‘yung warrant year 1998,” ayon kay Siriban.