SWAK sa rehas na bakal ang dalawang kelot na sangkot umano sa pagnanakaw matapos masakote ng mga miyembro ng Manila Police District-Special Operations Unit sa Sta. Cruz, Manila.

Unang natimbog ang suspek na na si alyas Pao, 27, Joyride rider, ayon sa ulat ni P/Maj. Freddie Zorilla.

Nahuli ang suspek bandang alas-5:40 ng hapon sa Lope De Vega St., Brgy. 314, Sta. Cruz, Manila.

Inaresto din ang kasabwat ng suspek na si alyas Jomar, 29.

Natiklo ng DSOU operatives ang ikalawang suspek sa kanto ng Laguna st at Rizal Avenues, Sta. Cruz dakong alas-5:50 ng hapon.

Inaresto ang dalawa sa bisa ng isang arrest warrant na ibinaba ng Regional Trial Court Branch 17 ng Manila City para sa kasong qualified theft.