Nilinaw na ni Jervi Wrightson, a.k.a. Kaladkaren, na hindi sila hiwalay ng British husband niyang si Luke Wrigthson.

“Ako pa rin po si Misis Jervi Wrightson!” deklara ni Kaladkaren sa “Frontliner Pilipinas,” kung saan ay isa siya sa anchors.

“Lilinawin ko lamang po ‘yung issue tungkol sa amin ni Luke. You know, our marriage is not perfect. Katulad ng ibang couples, siyempre may misunderstandings, mayroong challenges. And hindi rin po nakakatulong na minsan hindi kami magkasama because Luke is working abroad,” saad ni Jervi.

“But for 13 years, sinubok na po kami ng panahon at araw-araw pinipili po naming mahalin ang isa’t isa. So, kami pa rin po. We’re still together.Wala po kaming problema ni Luke. Masaya po kaming mag-asawa. Katunayan nga, umuwi ng Pilipinas, kakarating lang po kaninang tanghali,” patuloy niya.

Kasunod nito ay pinag-ingat ni Kaladkaren ang publiko sa kumakalat na “fake news” online tungkol sa kanyang relasyon.

“‘Tapos mayroon pang gumagawa ng fake news, fake videos. Ini-slice ‘yung mga dati kong vlogs tapos inilalagay na umiiyak ako doon sa issue.

“So, I think ang moral of the story, we have to be responsible with the content that we receive and consume. ‘Yung mga napapanood natin online, mag-ingat po tayo sa fake news and of course ‘di ba let’s mind our own business,” aniya.

Matatandaang a few days ago ay kumalat ang tsikang hiwalay na o on the rocks ang marriage nina Jervi at Luke dahil ayon sa eagle-eyed netizens, binura na ni Kaladkaren ang wedding photos nila sa Instagram.

Matatandaang ikinasal sina Jervi at Luke noong September, 2024 sa Scarborough, United Kingdom. Prior to the wedding ay 12 years silang magkarelasyon.