NAARESTO ng mga operatiba ng Quezon City Police District (QCPD) ang lalaking suspek sa kasong rape sa Quezon City noong Huwebes.

Kinilala ni QCPD Deputy Director for Administration/Officer-in-Charge P/Col. Randy Glenn Silvio ang suspek na si alyas Nold, 20.

Bandang alas-2:30 ng hapon ng arestuhin ang suspek sa Payatas sa bisa ng Warrant of Arrest sa kasong rape na inisyu ng Branch 86, Regional Trial Court, Quezon City.

Dinala ang akusado sa Bureau of Jail Management and Penology (BJMP) sa Payatas, Bagong Silangan, Quezon City para sa mga kaukulang proseso.

“Hindi titigil ang QCPD sa pagtugis sa mga kriminal na patuloy na nagtatago sa batas upang kanilang pagbayaran ang krimeng kanilang ginawa,” pahayag ng opisyal ng QCPD.