ARESTADO ang dalawang akusado sa kasong panggagahasa sa magkahiwalay na operasyon ng pulisya noong Biyernes sa Navotas City.

Nadakip ng mga tauhan ni Navotas Police Chief P/Col. Mario Cortes si alyas Robin dakong alas-10:00 ng gabi sa Brgy. Tangos North.

Nahuli si alyas Robin sa bisa ng warrant of arrest galing kay Navotas City Family Court Presiding Judge Cecilia Bunagan Parallag ng Branch 9 dahil sa kasong rape.

Nasakote din si alyas Pepeng, 19, dakong alas-4:45 ng hapon sa Judge A. Roldan St., Brgy. San Roque sa kaso ring panggagahasa.

Pinuri ni Northern Police District (NPD) Director P/BGen. Josefino Ligan ang mga pulis sa pagkakadakip sa dalawang suspek.