BUMABA ang ranking ng University of the Philippines (UP) sa Times Higher Education (THE) Asian Rankings 2022.

Mula sa ika-84, ang UP ay rank 129 ngayong taon.

Ang De La Salle University naman ay nanatili sa 401-500 bracket.

Dalawang eskuwelahan lamang sa bansa ang nakapasok sa THE na sumuri sa 616 higher education institution sa 31 bansa sa Asia.

Ang Ateneo de Manila University ay nasa ‘reporter’ list ng THE na nangangahulugan na sumali ito subalit hindi nito nakompleto ang eligibility criteria.

Noong 2020, ang UP ay nasa ika-65 puwesto mula sa ika-95 noong 2018. Ito ang unang pagkakataon na pumasok ang UP sa top 100.