PATULOY umanong dumarami ang sumasakay ng Metro Rail Transit 3 (MRT-3)

Sa ikasiyam na sunod na weekday mula noong Mayo 25, mahigit sa 350,000 ang naitalang sumasakay sa MRT-3 kada araw.

Noong Hunyo 6 ay nakapagtala rin ng bagong daily ridership record ang MRT-3 na umabot sa 370,276 pasahero mula ng magbalik-operasyon noong Hunyo 1, 2020.

Mula Marso 28 hanggang Hunyo 6 ay umabot na sa 20.082 milyon ang mga pasahero na nabigyan ng libreng sakay ng MRT-3. Tatagal ang libreng sakay hanggang sa Hunyo 30.

Isinailalim sa rehabilitasyon ang MRT-3 kaya nabawasan ng husto ang pagkasira ng mga tren habang nasa operasyon.