HINDI na lumutang pagkatapos mag-dive sa ilog ang senglot na machine operator noong Martes sa Malabon City.

Miyerkules na ng alas-6:20 ng gabi nakuha ng mga tauhan ng Philippine Coast Guard (PCG) at Malabon City Disaster Risk Reduction and Management Office (CDRRMO) ang bangkay ng biktimang si alyas Alvin, 32.

Sa ulat ni P/MSg. Jeric Tindugan, may hawak ng kaso, kay Malabon police chief P/Col. Allan Umipig, lasing umano ang biktima ng tumalon sa ilog sa Sto Rosario Village dakong alas-2:00 ng hapon sa kasagsagan ng malakas na ulan.

Nang hindi na lumutang ang biktima, humingi na ng tulong ang mga residente at opisyal ng barangay sa PCG.