ABANGERS kahapon ang manonood sa Tutok To Win ni Willie Revillame. Bakit?

Aba, nagpalabas ng statement ang GMA Network na sa February 15, eh, expired na ang kontrata ng show ni Willie sa GMA.

Sa February 11 ang last telecast nito, ayon sa statement.

Anyare? Paano na ang viewers ni Willie na waiting matawagan para mabigyan ng pera?

Ayon kay Manay Lolit Solis sa kanyang Instagram, walang renewal ng contract na naganap between GMA at Willie.

Malapit si Manay sa GMA at kay Willie kaya naman alam niya ang totoong nangyari.

Eh, sa paglabas ng statement, kumalat ang ispekulasyon na lilipat si Willie at show niya sa broadcasting network ni dating Senator Manny Villar.

Isa ang Villar company sa mga nakakuha ng isa sa frequencies ng ABS-CBN.

Blocktimer ng GMA ang Tutok To Win.

Kung ano ang nangyari, tutok na lang sa natitirang episodes ng show. Ni Jun Nardo