SINAMSAM sa raid ng mga ahente ng National Bureau of Investigation-Intellectual Property Rights Division (NBI-IPRD) ang 391 pekeng Louis Vuitton (LV) products na may tinatayang halaga na P34,979,052 sa Meycauayan at Malolos, Bulacan noong Lunes.

Ang raid alinsunod sa pagsugpo sa paglaganap ng mga pekeng produkto at paglabag sa RA 8293 o ang Intellectual Property Code of the Philippines.

Isinagawa ang raid sa kahilingan ng Mayank Vaid sa ngalan ng kanilang kliyente na Louis Vuitton, ayon sa ulat.

Ni-raid ang Sponkyboy sa Meycauayan at Attractions sa Malolos, Bulacan.

Pinuri ni NBI director Jaime Santiago ang mga ahente ng NBI-IPRD sa matagumpay na operasyon laban sa mga pekeng produkto na naglipana sa bansa.