UTAS ang 43-anyos na vendor ng barilin sa dibdib ng hindi nakilala at nakatakas na suspek noong Linggo sa Brgy. Maulawin, Pagsanjan, Laguna.

Naisugod pa sa Laguna Medical Center ang biktimang si alyas Gian subalit nalagutan din ng hininga bunsod ng malubhang tama ng bala mula sa hindi mabatid na kalibre ng baril.

Sa report, dakong alas 2:00 ng madaling araw may pumarada na Honda TMX sa tapat ng bahay ng biktima.

Ng makababa mula sa motorsiklo kumatok sa bintana ang suspek at tinawag pa ang pangalan ng biktima.

Pagdungaw ng biktima, binaril siya sa dibdib at tumakas na ang hitman.

Blangko pa ang Pagsanjan police sa motibo ng pagpatay.