STA. Cruz, Laguna — Libu‑libong taga‑Laguna na nakakakuha ng libreng gamot sa programang “Akay ni Gob Botika” ni Gob. Sol Aragones at nakakatipid sa mga gastusing pang‑kalusugan.

Tinatayang nakakatipid ang mga benepisyaryo ng P2,715 bawat buwan o P32,580 bawat taon.

Inanunsyo ni Dr. Odillon Inoncillo, pinuno ng Provincial Health Office, ang computation ng tipid para sa mga iniresetang gamot na ibinibigay nang libre sa mga kwalipikadong benepisyaryo.

Kasama dito ang amlodipine: P292.50 buwan‑buwan, P3,510 taon‑taon, P10,676 sa loob ng tatlong taon; Losartan: P517.50 buwan‑buwan, P6,210 taon‑taon, P18,888 sa loob ng tatlong taon; Metformin: P187.50 buwan‑buwan, P2,250 taon‑taon, P6,844 sa loob ng tatlong taon; Atorvastatin: P532.50 buwan‑buwan, P6,390 taon‑taon, P19,436 sa loob ng tatlong taon; Clopidogrel: P1,005 buwan‑buwan, P12,060 taon‑taon, P36,682 sa loob ng tatlong taon; at Vitamin B‑Complex: P180 buwan‑buwan, P2,160 taon‑taon, P6,570 sa loob ng tatlong taon

Ang mga gamot na ito ay para sa mga karaniwang malalang sakit tulad ng mataas na presyon ng dugo, diabetes, at mataas na kolesterol.

Ipinaliwanag ni Gob. Aragones na ang programang “Akay ni Gob Botika at Libreng Maintenance na Gamot” ay binuo upang mabawasan ang pasanin ng mga pamilyang may miyembro na kailangang uminom ng gamot habang buhay. Binigyang‑diin niya na bukas ito para sa lahat ng taga‑Laguna anuman ang kanilang estado sa buhay.

“Wala po kaming pinipili sa mga libreng gamot pang‑maintenance. Para po ito sa lahat,” ayon kay Gob. Aragones.

Bukas ang programa para sa mga kwalipikadong pasyente sa mga itinalagang istasyon ng kalusugan ng lalawigan at sa mga iskedyul ng mga mobile clinic.