ANGELES CITY, Pampanga–Dalawang Amerikanong wanted sa mga kasong paglabag sa Safe Spaces Act at statutory rape ang naaresto sa siyudad na ito, ayon sa Police Regional Office 3 (PRO 3).

Ang unang suspek, si alyas Jerry, 39, pinagsilbihan ng warrant of arrest habang nakakulong sa custodial facility ng Police Station 5 para sa kasong qualified gender-based sexual harassment in streets and public places sa ilalim ng Republic Act No. 11313 o Safe Spaces Act.

Isa pang Amerikanong, si alyas Shiloo Zore, 62, inaresto dahil sa paglabag sa RA 8353 (Anti-Rape Law of 1997).

Matapos ang pag-aresto, inilagay ang dalawang akusado sa kustodiya ng pulisya habang hinihintay ang pag-turnover sa kaukulang hukuman.