PINUNTAHAN ni Laguna Gov. Sol Aragones at ng Laguna police director ang mga eskwelahan at nagtalaga ng mga pulis sa bawat paaralan Lunes ng umaga.

Layunin ni Aragones na huwag ng maulit ang nangyari sa Cavite at Tacloban noong nakaraang linggo.

Pinuntahan ni Aragones ang Siniloan, Laguna, upang tiyakin na maayos ang bawat paaralan sa lugar.

Sa Mabitac, Laguna, nag-deploy rin ng mga pulis na magbabantay sa lugar.

Sa Santa Maria, Laguna, isang kautusan ang ipinalabas ni Vice Mayor Jason Cuento upang magbigay ng kaligtasan sa mga estudyanteng pumapasok sa mga eskwelahan.

Unang ipinagutos sa mga barangay chairman na ipagbawal na ang mga tambay sa paaralan sa oras ng uwian pagkatapos ng klase.