NAGLABAS ng abiso ang Metropoitan Manila Development Authority (MMDA) na nagsususpinde sa Expanded Number Coding scheme Miyerkules ng hapon bunga ng patuloy na pag-ulan na dulot ng habagat.

Ayon kay MMDA Public Information Office (PIO) head Director Sharon Gentalian, lahat ng mga sasakyang may plakang nagtatapos sa plakang 5 at 6 ay puwede ng lumabas ng lansangan bunga ng suspensiyon ng number coding ng mula alas-5 ng hapon hanggang alas-8 ng gabi.

Inabisuhan ni Director Gentalian ang mga motorista na mag-ingat sa pagmamaneho ngayong maulan at sundin ang batas trapiko para sa kaligtasan ng lahat sa daan.