𝗜𝗗𝗜𝗡𝗔𝗪𝗜𝗧 𝗻𝗮𝗻𝗴 𝘁𝗶𝗻𝗮𝗴𝘂𝗿𝗶𝗮𝗻𝗴 “𝘀𝘂𝗿𝗽𝗿𝗶𝘀𝗲 𝘄𝗶𝘁𝗻𝗲𝘀𝘀” 𝗻𝗴 𝗤𝘂𝗮𝗱 𝗖𝗼𝗺𝗺𝗶𝘁𝘁𝗲𝗲 𝗻𝗮 𝘀𝗶 𝗱𝗮𝘁𝗶𝗻𝗴 𝗕𝘂𝗿𝗲𝗮𝘂 𝗼𝗳 𝗖𝘂𝘀𝘁𝗼𝗺𝘀 (𝗕𝗢𝗖) 𝗜𝗻𝘁𝗲𝗹𝗹𝗶𝗴𝗲𝗻𝗰𝗲 𝗢𝗳𝗳𝗶𝗰𝗲𝗿 𝗝𝗶𝗺𝗺𝘆 𝗚𝘂𝗯𝗮𝗻 𝗮𝗻𝗴 𝗶𝗹𝗮𝗻𝗴 𝗺𝗶𝘆𝗲𝗺𝗯𝗿𝗼 𝗻𝗴 𝗽𝗮𝗺𝗶𝗹𝘆𝗮 𝗻𝗶 𝗱𝗮𝘁𝗶𝗻𝗴 𝗣𝗮𝗻𝗴𝘂𝗹𝗼𝗻𝗴 𝗥𝗼𝗱𝗿𝗶𝗴𝗼 𝗥𝗼𝗮 𝗗𝘂𝘁𝗲𝗿𝘁𝗲 𝘀𝗮 𝗺𝗮𝗹𝗮𝘄𝗮𝗸𝗮𝗻𝗴 𝗶𝗺𝗽𝗼𝗿𝘁𝗮𝘀𝘆𝗼𝗻 𝗻𝗴 𝗶𝗽𝗶𝗻𝗮𝗴𝗯𝗮𝗯𝗮𝘄𝗮𝗹 𝗻𝗮 𝗴𝗮𝗺𝗼𝘁 𝗽𝗮𝗿𝘁𝗶𝗸𝘂𝗸𝗮𝗿 𝗻𝗮 𝘀𝗮 𝗸𝗮𝘀𝗼 𝗻𝗴 𝗸𝗼𝗻𝘁𝗿𝗼𝗯𝗲𝗿𝘀𝗶𝘆𝗮𝗹 𝗻𝗮 𝗣𝟲.𝟴 𝗯𝗶𝗹𝘆𝗼𝗻𝗴 “𝘀𝗵𝗮𝗯𝘂 𝘀𝗵𝗶𝗽𝗺𝗲𝗻𝘁” 𝗻𝗼𝗼𝗻𝗴 𝟮𝟬𝟭𝟴 𝗻𝗮 𝗻𝗮𝗻𝗴𝘆𝗮𝗿𝗶 𝘀𝗮 𝗽𝗮𝗻𝗮𝗵𝗼𝗻 𝗻𝗴 𝗱𝗮𝘁𝗶𝗻𝗴 𝗮𝗱𝗺𝗶𝗻𝗶𝘀𝘁𝗿𝗮𝘀𝘆𝗼𝗻.

Sa ginanap na joint hearing ng Quad Committee sa Bacolor, Pampanga na binubuo ng apat na Komite sa Kamara de Representantes. Isinabit ni Guban sina Davao City 1st Dist. Cong. Paolo “Pulong” Duterte at ang bayaw nitong si Atty. Manases “Mans” Carpio, ang asawa ni Vice-President Inday Sara Duterte, sa iba’t-ibang kaso at malawakang shipment ng illegal drugs sa Pilipinas.

Si Guban ang nagmistulang bombang pinasabog ng Quad Committee na kinabibilangan ng House Committee on Dangerous Drugs, House Committee Public Order and Safety, House Committee Human Rights at House Committee on Public Accounts na naglalayong imbestigahan ang mga usapin gaya ng illegal drugs, Extra-Judicial Killings at Philippine Offshore Gaming Operators (POGO) na nangyari sa panahon ng dating Pangulong Duterte.

Bukod sa mga miyembro ng dating First Family, idinawit din ni Guban ang Chinese national na si Michael Yang.

Ayon kay Guban, si Yang ay dating Presidential Economic Adviser ng dating Pangulo.

Nauna rito, pumutok ang pangalan ni Guban sa di-umano’y kaugnayan nito smuggling ng P6.8 bilyong halaga ng shabu na ikinubli sa loob ng magnetic lifter noong 2018 sa panahon ng dating administrasyong Duterte. Kung saan, ipinahayag pa ni Guban na isa siya sa mga nakadiskubre sa naturang kontrabando.

Samantala, sa isang pahayag, itinanggi ni. Rep. Paolo Z. Duterte ang mga paratang ni Guban.

Ang buong pahayag ni Rep. Duterte:

” Hindi ko po kilala si Jimmy Guban at sigurado ako na hindi rin niya ako kilala. Wala kaming anumang transaction o ugnayan kaya walang rason na siya ay pagbantaan kung babanggitin man niya ang pangalan ko.

Nais ko pong ipa-alala sa taumbayan na ang salitang “star witness” ay humahalimbawa lamang sa mga taong nagsasalita ng katotohanan lamang at may kredibilidad.

Hindi po si Jimmy Guban ang taong yan sapagkat siya po ay na i-contempt na ng Senate Blue Ribbon Committee dahil sa kanyang pagsisinungaling. Klaro po na walang kredibilidad ang taong yan at walang basehan ang kanyang mga sinasabi noon pa man, kaya di ko po alam kung bakit bigla po siyang naging star witness dito.

Nais ko din po sana makita ang kanyang sinumpaang salaysay upang mapag aralan din namin ng abogado ko.”