ISANG 74-anyos na babae ang namatay matapos tumalon sa riles ng Metro Rail Transit Line 3 habang paparating ang isang tren.

Ayon sa management ng MRT-3, ang hindi pinangalanang babae ay tumalon sa southbound track sa Quezon Avenue station alas-12:54 ng hapon Abril 12.

Nagtamo ng mga sugat ang babae na dinala ng mga tauhan ng Lifeline Arrows ambulance service sa East Avenue Medical Center.

Nagpatupad ng partial operation sa MRT-3 at naibalik ang full operation ala-1:20 ng hapon.

Humingi naman ng paumanhin ang MRT-3 management sa abalang naidulot sa mga pasahero ng insidente.