DEAD-on-the-spot ang lalaking bagger sa supermarket na pinagbabaril ng hindi nakilala at tumakas na suspek na naka-motorsiklo sa kanto ng N. Zamora St., Brgy. 86, Tondo, Maynila noong Biyernes.

Kinilala ni Police Capt. Dennis Turla, hepe ng Manila Police District-homicide section, ang biktima na si Darius Quebec ng 039 Osorio Lacson St., Tondo.

Ayon sa report, bandang alas-7:55 ng umaga ng barilin si Quebec.

Naka eskapo ang suspek na naka-jacket na itim, naka helmet at sakay ng asul na Yamaha Mio matapos ang pamamaril.

Base sa kuha ng CCTV, naglalakad ang biktima sa Gerona St. nang biglang sumulpot ang suspek lulan ng motorsiklo at pinagbabaril ang biktima.