SUMIKLAB ang sunog sa hindi pa batid na dahilan sa isang residential house Martes ng umaga sa Paranaque City.

Inabot lamang sa unang alarma ang sunog na tumupok sa malaking bahagi ng dalawang palapag na bahay sa Buena Vida Compound, Brgy. Merville pasado alas-10 ng umaga bago nakontrol ng mga nagrespondeng tauhan ng Paranaque Bureau of Fire Protection (BFP) alas-10:52 hanggang ideklarang fire out pasado alas-11 ng umaga.

Wala namang iniulat na nasaktan o nasugatan maliban sa namatay na pusang alaga ng may-ari ng bahay na hindi nakalabas ng bahay.

Inaalam pa ng mga arson investigator ang halaga ng pinsala, pati na ang pinagmulan ng apoy.