ISANG bangkay ng hindi nakilalang lalaki na nakasilid sa plastic bag ang natagpuan sa Muelle Dela Industria sa harap ng Galeria Binondo sa Manila noong Huwebes.

Tinatayang nasa 25 hanggang 30-anyos ang, 5’1 hanggang 5’2 ang taas, payat, fair ang balat, walang damit, nakayapak at tadtad ng tattoo ang bangkay.

Base sa ulat ni Police Lieutenant Colonel Roberto Mupas, station commander ng Meisic Police Station 11 ng Manila Police District, bandang alas-2:29 ng madaling araw nang matagpuan ang biktima sa naturang lugar.

Isang security guard ang nakakita sa asul na bag at nadiskubre ang bangkay.

Nadiskubre na may marka ang leeg at mga galos sa kaliwang balikat ang biktima.