Labis-labis ang kilig ng fans nina Barbie Forteza at David Licauco (BarDa) sa ipinost na video sa Instagram ng Sparke GMA Artists Center.

Sa video ay mapapanood na tinanong ni David si Barbie ng “crush ka ba ng crush mo?”

Sagot ni Barbie, “Hindi, eh.”

Ibinalik ng aktres ang tanong sa ka-loveteam. “Ikaw, crush ka ba ng crush mo?”

Sagot naman ni David, “Ah, sana.”

Tanong ulit ng aktres, “Hindi pa sure?”

Tugon naman ni David, “Hindi pa sure.”

Sambit ni Barbie, “Sayang.”

Pero kasunod nito ay biglang hirit ng aktres, “Tayo na lang kaya?”

Agad-agad na sabi ni David, “Sige.”

Nanlaki naman ang mga mata ni Barbie habang nakatingin sa camera.

Nagkagulo sa comment section ang BarDa fans at tuwang-tuwa sila sa napanood.