NABIKTIMA ang 29-anyos na babae noong Sabado ang ng tinaguriang Basag Kotse gang sa Sto. Tomas, Pampanga, ayon kay Police Regional Office (PRO)-3 director Brig. Gen. Jean Fajardo.

Kinilala ang biktima na si alyas Irene ng San Francisco, Mabalacat City, Pampanga.

Sinabi ng biktima na ipinarada niya ang kanyang itim na Hyundai (CIM86) sa harap ng Rahnema building sa Brgy. San Matias, Sto. Tomas bandang alas-8:30 ng gabi.

Pagbalik niya, sinabi ng isang concerned citizen na sira na ang bintana ng sasakyan at nang kanyang suriin nawawala na ang dalawang bag na naglalaman ng P48,000 at gadgets.

Base sa CCTV, binasag ng dalawang lalaki ang kanang bintana sa harap ng sasakyan, kinuha ang mga bag at tumakas sakay ng motorsiklo.