NASA bingit ng kamatayan ang 7-taong gulang na batang babae na nasagasaan ng van na pinatakbo ng helper ng driver habang nakaparada sa APEX compound sa Road 10, Parola compound, Tondo, Maynila noong Sabado,

Ayon kay Police Major Jaime Gonzalez, hepe ng Vehicular Traffic Investigation Section (VITS) ng Manila District Traffic Enforcement Unit (MDTEU), bandang 4:41 ng hapon nang masalpok ng helper na si alyas John Mike, 21, ang kawawang bata.

Naglalaro ang biktimang si Keana nang pakialaman ng pahinante ang van habang naka park. Nagtuluy-tuloy ang van at natumbok ang paslit.

Isinugod ang biktima sa Gat Andres Bonifacio Medical Center at doon sinasagip ang buhay.

Nahaharap sa kasong serious physical injury by vehicular incident ang helper.